Kryeministri Edi Rama ka ndarë mëngjesin e sotëm në rrjetet sociale pamje nga Future Hospitality Summit në Dubai, ku Shqipëria merr pjesë me një pavion të veçantë.
Në postimin e tij, Rama shkruan:
“Mirëmëngjes 😊 dhe me Pavionin e veçantë të Shqipërisë në Future Hospitality Summit, Dubai, ku u ekspozuan duke ngjallur shumë kërshëri e interes projektet spektakolare të Tiranës e të zonave të tjera turistike të vendit, ju uroj një ditë të mbarë.”
Në këtë panair ndërkombëtar janë prezantuar projektet më të reja të zhvillimit turistik në vend, që synojnë të tërheqin investitorë dhe vizitorë ndërkombëtarë drejt Shqipërisë.
Sipas organizatorëve, pjesëmarrja e Shqipërisë është parë si një mundësi për të forcuar imazhin e vendit si një destinacion në rritje në hartën e turizmit global.