Dy zyrtarë të lartë të motit në Hungari janë shkarkuar pasi kanë parashikuar gabimisht reshje të shiut, që nxiti shtyrjen e një shfaqjeje me fishekzjarre duke shkaktuar përplasje politike.
Ajo që ishte cilësuar si “shfaqja më e madhe në Evropë e fishekzjarrëve” e paraparë të mbahej mbrëmje e 20 gushtit për të festuar Ditën e Shën Stefanit u shty nga Qeveria, disa orë pasi Shërbimi Kombëtar i Meteorologjisë lëshoi një paralajmërim për mot ekstrem. Atë natë, moti megjithatë ishte i qëndrueshëm, që çoi në shkarkimin e drejtueses së shërbimit të motit, Kornelia Radics, dhe zëvendësit të saj, Gyula Horvath.
Shërbimi i meteorologjisë, ndërkaq më 23 gusht ka kërkuar që drejtuesit e shkarkuar të rikthehen në punë, duke argumentuar se Qeveria “injoroi pasigurinë shkencore, të pranuar shkencërisht, lidhur me parashikimet meteorologjike”.