Ndonëse nuk ka marrë ende detyrën si Ministër i Jashtëm, Genc Cakaj, i propozuar nga Edi Rama për të pasuar në detyrë Ditmir Bushatin ka nxituar ta shënojë në Twitter. I atakuar këto kohë nga mediet për gafat e tij, Cakaj ka shënuar në fakt një tjetër gafë, pasi ai ende nuk mund të quhet ministër dhe aktualisht është vetëm një propozim i kreut të qeverisë.
Ai duhet së pari të dekretohet nga presidenti dhe të marre votëbesimin në parlament. Po në rast se Cakaj nuk do të marrë votëbesimin nga parlamenti, a do të fshijë llogarinë?! Ligjërisht deri në marrjen zyrtare të detyrës, Ministër i Jashtëm është Ditmir Bushati.
