Tre spikere simpatike të ekraneve shqiptare, ndanë sot momentet e sikletshme dhe të bukura të punës së tyre.
Blerta Tafani, Senada Jaho dhe Fabiola Hoxha janë pyetur nga moderatori Ermal Peçi nëse mbajnë mend ndonjë nga gafat e tyre gjatë transmetimeve live.
Senada Jaho rrëfeu se fjala operacion e kishte ngatërruar ndërsa mbulonte një ngjarje të ndodhur në Durrës.
“Më duhet të mbuloja një ngjarje në Shijak ku ishte vrarë një ish komisar policie dhe më fliste drejtori i informacionit në kufje ku më thoshtë “pyete a ka mbaruar operacioni”. Ndërkohë që një kalimtare ishte plagosur aty. Drejtori e kishte fjalën për operacionin e policisë nëse kishte përfunduar dhe unë që e pyes “a ka mbaruar operacioni në spital i asaj”.
Gafat gjatë transmetimeve live nuk i kanë shpëtuar as Blerta Tafani dhe Fabiola Hoxha.
Fabiola ndërsa qeshte i quan gafat si “perla” të këtij zanati. Duket se kufjet janë elementi i domosdoshëm i transmetimeve live, ku lidhjet me regjinë bëhen përmes tyre.
Ndërsa Fabiolës i thonin në kufje se pas kreut të Bashkisë Erion Veliaj, kishte material direkt me kreun e PD-së, ajo i shkriu të dyja në një duke e cilësuar Veliaj si kreun e PD-së.