Një prej artistëve më të pëlqyer shqiptarë dhe padyshim më të suksesshëm në SHBA është Gashi. Ai është autor i shumë hiteve dhe gjkithmonë di si t’i kënaqë ndjekësit e vet. Së fundmi, reperi ka ndarë një postim në rrjetet sociale ku ka nënkuptuar se mund të mbajë një turne muzikor në Shqipëri dhe Kosovë.
Gashi ka publikuar datat e turit të tij botëror që pritet të zhvillohet këtë verë, por aty nuk ka përfshirë as Shqipërinë dhe as Kosovën. Megjithatë, ai thotë se ato nuk janë përfshirë pasi po mendon që këtë verë të mbajë një turne vetëm për të dy vendet shqiptare. Ende asgjë nuk është zyrtare, megjithatë fansat janë të entuziazmuar dhe mezi po presin.