Nga Fatos Hakorja / Kryeredaktor TV Klan
Deputetët e Kuvendit të Shqipërisë marrin një pagesë fikse mujore për telefonin prej 17,000 mijë lekësh të reja. Mendohet që kjo kuotë u mjafton për t’i kryer punët e tyre, shtetërore e private. Në të vërtetë nuk kemi dëgjuar asnjërin prej tyre të ankohet për të kundërtën, ndërsa faktet tregojnë se kjo shumë parash jo vetëm u mjafton, por madje është e panevojshme.
Të tre kompanitë celulare që operojnë në Shqipëri ofrojnë shërbime me kontratë apo me parapagesë për telefonata, sms e internet pa limit, për shumë më pak para’ sesa shuma e caktuar për deputetët.
Pagesa maksimale për t’i mbuluar kostot e celularit arrin në 100,000 lekë sipas të dhënave që gjenden në faqet e internetit të Vodafone, Telekom apo Eagle: pa limit telefonata brenda e jashtë vendit, pa limit internet, pa limit sms.
Nëse pagesa për deputetët do të reduktohej në vlerën e këtyre paketave, do të kurseheshin 980,000 lekë të reja në muaj.
Vlera është e vogël nëse merr në konsideratë abuzimet për të cilat flitet cdo ditë. Por kaq para në muaj, që shkojnë në xhepat e deputetëve, mund të shkonin për dhjetëra familje në nevojë, për t’u ndryshuar sadopak jetesën e vështirë.