Vazhdojnë reagimet brenda e jashtë PD-së për zgjedhjen e kryesisë së re. Kritika të forta vijnë nga të gjitha anët. Politikanë, gazetarë, analistë, qytetarë, etj, thonë se zgjedhja është selektive, se janë përzgjedhur nga Basha njerëz me pak kontribute, se janë lënë jashtë kundërshtarët dhe kritikët.
Gazetari Elkier Bushkolaj i thellon argumentat e tij. Ai thotë se është e pafalshme që Qarku i Lezhës të mos ketë një antar kryesie, ndërkohë që vetëm në Mat, me 16 mijë votues, të caktohen dy antarë kryesie.
Po ashtu Bushkolaj i kujton Bashës së është lënë jashtë vëmendjes së PD-së komuniteti katolik. Në reagimin e tij publik gazetari shprehet:
“Qarku i Lezhes, hambari i votave per Partine Demokratike asnje perfaqesues ne kryesine e re te kesaj force politike. Komuniteti katolik,i njohur per suportin karshi se djathtes asnje perfaqesues ne kryesine e re te Partise Demokratike. Kur merr keshilltare qe nga opinioniste poltronesh jane bere “gazetare ” veshtire te besh hajer ne politike”.