Gazetari Igli Çelmeta ishte i ftuar në “People” ku tregoi mbi rrethanat e rastit tragjik të humbjes së jetës të 14-vjeçarit Martin.C i cili u godit me thikë jashtë ambienteve të shkollës nga një bashkëmoshatar i tij.
Ai tregoi se në dijeni të konfliktit ishin oficerja e sigurisë, mësuesja kujdestare dhe drejtoresha e shkollës “Fan Noli” dhe nëse ato do të kishin vënë në dijeni prindërit e të miturëve dhe strukturat policore mund të egzistonte mundësia e parandalimit të këtij krimi.
“Një konflikt për të cilin ishin në dijeni të gjithë personat përgjegjës që mund të lajmëronin insitucionet përkatëse për ta parandaluar këtë ngjarje, duke filluar që nga oficerja e sigurisë, drejtoresha e shkollës dhe mësuesja kujdestare të cilët ishin në dijeni prej disa ditësh lidhur me konfliktin dhe nuk kishin lajmëruar as prindërit e viktimës dhe as prindërit e autorit”.
“Zyrtarisht ështe e konfirmuar që drejtuesit e shkollës “Fan Noli” nuk kanë lajmëruar prindërit e autorit dhe të viktimës pasi që të premten, 4 ditë para ngjarjes kanë pasur dijeni për sherrin dhe nuk kanë lajmëruar as prindërit as inspektorin e policisë së zonës. Kjo tregon që kjo ngjarje mund të parandalohej nëse aktorët kryesorë të parandalimit të saj do të lajmëroheshin për këtë problematikë”, tha Çelmeta.
Gazetari shpjegoi se mungesën e njoftimit ata e kanë justifikuar me faktin se nxënësit kishin premtuar se ata ishin pajtuar me njëri–tjetrin.