Moderatorja e CNN Türk, Hande Fırat iu bëri thirrje pushuesve që “të mos shkojnë në ishujt grekë këtë vit për pushime”.
Ajo tregoi një hartë të ishujve në të cilat Turqia po sfidon sovranitetin grek dhe iu bëri thirrje qytetarëve të vendit të saj që mos t’i vizitojnë.
“Të dashur shikues, qytetarë të Republikës Turke. Mos vizitoni këto ishuj, janë militarizuar dhe kanë të bëjnë me Turqinë. Edhe për këtë vit shpenzoni paratë tuaja në Turqi. Këtë vit mos i shpenzoni paratë tuaja për grekët”, tha ajo.
Kjo thirrje vjen pasi ministri i Jashtëm turk, Mevlut Tsavousoglou paralajmëroi se Turqia është gati të sfidojë sovranitetin e ishujve grekë, ndërsa akuzoi Athinën për shkeljen e një traktati ndërkombëtar, që përcakton se ishujt duhet të mbeten të çmilitarizuar.