Gjykata Kushtetuese ka rrëzuar kërkesën e depozituar nga ish-ministri i Mbrojtjes, Fatmir Mediu në lidhje me tragjedinë e Gërdecit.
Mediu u përpoq të shfuqizonte në Kushtetuese vendimin e Gjykatës së Posaçme të Apelit për rihapjen e hetimeve, por nuk ia doli dot.
Referuar vendimit të sotëm bëhet me dije se kërkuesi nuk ka shteruar mjetet ligjore efektive në dispozicion, e për rrjedhojë kërkesa nuk mund të kalojë për shqyrtim në seancë plenare.
Më herët ai iu drejtua edhe Gjykatës së Lartë, duke e quajtur rihetimin një akt antikushtetues, por edhe Gjykata e Lartë e rrëzoi rekursin.