Duket se Getinjo ka vendosur të terhiqet nga gara, pasi mendon se nuk mund të luajë më dhe nuk përshtatet me lojën brenda BB VIP Kosova. Ndonëse është shprehur se fansat e tij duhet ta mirëkuptojnë zgjedhjen e tij.
Getinjo është shprehur se nuk ka dashur ndonjë herë çmimin e madh por donte ta provonte si eksperiencë dhe këtë tërheqje nuk e quan dorëzim pasi nuk e ka parë si garë. Në anën tjetër duket se Vivi është prekur nga kjo zgjedhje e Getit, teksa ka treguar se qëllimi i tij nuk ka qenë aspak tek paratë. Ai i ka thënë publikut se do i kënaqë.
Ndërkohë që Stresi ka shpërthyer në lot dhe është shprehur se nëse Geti largohet do e lërë dhe ai lojën pasi s’ka kuptim për të. Gjithsesi duket se Geti e ka vendosur këtë gjë bashkë me produksionin.
Gjithashtu Getinjo është shprehur se është kënaqur në këtë eksperiencë dhe e ka përmbushur misionin e tij për të treguar anën tjetër të tij, larg paragjykimeve që i kanë bërë njerëzit. Ndonëse ai shprehet se nuk arriti dot te luante dhe nuk mundet më pasi i duket vetja si njerëzit që mësojnë njerëzit ama veten nuk mund ta mësojë.
Geti ka përgatitur edhe një letër për fansat ku mes rreshtash shkruan se po lë shtëpinë më të famshme në vend, pasi falenderon për mundësinë dhe eksperiencën e re në këto 42 ditë me perjetime të mira.
“Kam ardhur tu tregoj njerëzve që jam i thjeshtë, i mirë dhe punëtor, jashtë kam lënë shumë gjëra që duhet ti drejtoj”- ka thënë Geti.
Të gjithë banorët janë përlotur teksa e kanë përcjellë.