Nusja 24-vjeçare u vra gjatë festimeve për dasmën e saj. Ngjarja tragjike ka ndodhur në Iran. Gjatë ceremonisë, një nga të ftuarit qëlloi disa të shtëna me armë zjarri në shenjë gëzimi për martesën, por vrau nusen dhe plagosi dy të ftuar të tjerë.
Mahvash Leghaei u godit nga një plumb në kokë dhe humbi jetën menjëherë. Ndërhyrja e shërbimeve të urgjencës ishte e kotë për të shpëtuar të renë.
Policia e përshkoi ngjarjen si aksident pasi njeriu që hapi zjarr (që tashmë është i paligjshëm në Iran) nuk kishte absolutisht asnjë qëllim të vriste, por duke pasur një “komandim të dobët” të armës, ai drejtoi pushkën drejt turmës së të ftuarve në vend të një zone të hapur, dhe fishekët përfunduan te nusja dhe jo në ajër.
Pas të shtënave, burri i cili është kushëri i dhëndrit, u arratis duke mbajtur armën, por më pas është ndaluar nga policia.