Në një video-mesazh të publikuar në rrjetet sociale, kampioni i Giro d’Italia 2023, Primoz Roglic, është shprehur shumë entuziast për faktin që nisja e edicionit 2025 të Giro d’Italia do të zhvillohet në Shqipëri.
Roglic tha se nuk ka qenë asnjëherë më parë në Shqipëri, por ka dëgjuar shumë gjëra pozitive për vendin tonë dhe mezi pret të marrë pjesë në garë.
“Jam shumë i emocionuar që starti do të jetë në Shqipëri. Nuk kam qenë kurrë atje, kështu që e pres me padurim. Kam dëgjuar shumë gjëra të bukura për Shqipërinë. Ajo që pres patjetër është një garë shumë e fortë për ne çiklistët. Shpresoj të jetë një spektakël i vërtetë, me njerëz të shumtë të pranishëm dhe një nisje fantastike për të treja ditët e para të garës,” tha Roglic në mesazhin e tij.
Kujtojmë se Primoz Roglic është fituesi i Giro d’Italia 2023 dhe synon triumfin e tij të gjashtë në një Grand Tour këtë vit, duke sfiduar për edicionin e 2025 Tadej Pogacar.