Mali i Zi është një portë e rëndësishme për turizmin shqiptar. Gjatë 2018-ës, nga Mali i Zi drejt Shqipërisë kanë hyrë mbi 360 mijë turistë, ndërsa vetëm këtë muaj kanë hyrë mbi 17 mijë të huaj. Ndërkohë, që në total vetëm vitin e kaluar Shqipërinë e vizituan rreth 6 milion turistë.
Ministri i Turizmit Blendi Klosi thotë se: “Marrëdhëniet Shqipëri-Mali i Zi, janë shembull i një fqinjësie të mirë, për këtë arsye ne do të vijojmë punën për të forcuar bashkëpunimin në fushën e turizmit. Krijimi i një oferte të përbashkët për Shkodrën turistike dhe të gjitha hapësirat që mund të shfrytëzohen për turizëm, objektiv i punës tonë në vijimësi. Faleminderit ministrit të Turizmit në Malin i Zi, që zgjodhi Shqipërinë për të promovuar paketën turistike dimërore, në këtë konferencë të përbashkët për turizmin mes dy vendeve” u shpreh Klosi gjatë takimit me homologun e vendit fqinj.