Një ditë më parë, kreu i opozitës Lulzim Basha paralajmëroi hartimin e një Kushtetute të re brenda vitit, nëse Partia Demokratike të jetë në qeveri. Kryedemokrati tha se Kushtetuta e re do të synojë pavarësinë e institucioneve si dhe fuqizimin e tyre, si dhe dobësimin e kontrollit malinj që vjen nga politika. Një prej ndryshimeve do të jetë kufizimi me 2 herë i mandatit të kryeministrit.
Lidhur me këto ndryshime kushtetuese ka folur dhe sekretari për Çështjet Ligjore në PD, Çlirim Gjata, i cili shprehet se kjo është një nevojë imediate.
“Duhet komplet kushtetutë e re. Nevojë imediate për të ndryshuar këtë që kemi.”, tha Gjata për A2.
Për balancimin e pushteteve, PD ka edhe një variant të sajin. “Senat ose president nga populli. Kushtetuta e re të rikthejë check-balancën””, shprehet Gjata.
Ndërsa duket se për këtë ide, konsensusin e socialistëve nuk e kanë sa janë në opozitë, kur të vijnë në pushtet, Gjata thotë se demokratët nuk do marrin vendime të njëanshme.
“Edhe po ti ketë PD votat, dy të tretat, përsëri s’do ishte e udhës ta ndryshonte vetë Kushtetutën. Do konsensus të madh.”, shton ai.
Një tjetër konsnensus që ganatohet se do të merret është dhe ai i ndërkombëtareve, pa të cilët nuk do të kryhet asnjë veprim.