Të tjera detaje dalin në drita nga krimi i ndodhur në Greshicë të Mallakastrës, ku djali vrau babanë e tij 73-vjeçar.
Gjatë marrjes në pyetje, autori Mariglen Muhametaj është shprehur se shkak ka qenë një debat i çastit më të atin.
“Gjej punë, mos rri kot. Unë nuk kam me çfarë të ushqej”, kanë qenë fjalët e fundit që i ndjeri i ka drejtuar të birit.
Mësohet se Marigleni fillimisht e ka shtyrë me forcë të atin, i cili ka përfunduar në oborrin e shtëpisë, i shtrirë në tokë, dhe më pas e ka goditur me një pllakë betoni, të cilin e kishte marrë nga oborri.
Gjatë qëndrimit në qeli, 37-vjeçari nuk ka shfaqur shenja pendese. Ai madje ka riprodhuar gjithë skenën e krimit paqësisht para ekspertëve të policisë, si të ishte një ngjarje e zakonshme.