Në provincën Manisa të Turqisë në një park lokal, një punëtor bashkiak gjeti një çantë e cila kishte 2 milionë lira turke, 360 mijë dollarë dhe më pas e ktheu atë tek pronari i saj.
Shtetasi i quajtur Uğur Durmuş pikasi çantën teksa po ujiste.
Në të ndodheshin para dhe letra me vlerë.
Ai menjëherë e dorëzoi tek eprorët e tij, me qëllimin që të bëhej e mundur gjetja e personit që e kishte humbur.
Teksa foli gjatë ceremonisë ku mori pjesë edhe pronari i çantës, kryetari i komunës, Çetin Akın, vlerësoi sjelljen shembullore të Uğur-it si një model për mbarë vendin.
Për gjestin e bërë, Uğur u pajis me monedhë të artë nga komuna Turgutlu.
Pas ceremonisë, ai u shpreh për gazetarët se pronari i çantës dëshironte t’i jepte një dhuratë, por ai nuk e pranoi këtë gjest, duke u shprehur se, “Unë kreva obligimin tim ndaj njerëzimit. Nuk mund të pranoj diçka që nuk është e imja”./