Tre persona janë arrestuar në shtetin grek, pasi akuzohen për abuzim seksual me të mitur. Mediat helenase shkruajnë të paktën 972 raste abuzimesh seksuale ishin dokumentuar nga autorët. Këta të fundit përdornin si ‘karem’ rrjetet sociale, ku nisnin fillimisht biseda me të mitur e më pas iu kërkonin favore seksuale.
Tre të arrestuarit lanë gjurmë elektronike në qendra të shërbimeve të internetit, gjë e cila çoi edhe në zbardhjen e rastit.
Në kontrollet e kryera në banesat e të arrestuarve u gjetën dhe u konfiskuan një laptop, 10 disqe kompjuteri dhe një celular me një kartë SIM, ndërsa në dixhital u gjetën shumë materiale, foto dhe video të abuzimit seksual të të miturve.