Një e mitur nga Gjakova është gjetur disa kohë pasi ishte shpallur e zhdukur nga familjarët e saj. E mitura shqiptare është gjetur e dhunuar seksualisht dhe autori i këtij akti ka rënë tashmë në pranga. Këtë gjë e ka bërë të ditur Policia e Kosovës me anë të një njoftimi.
I dyshuari është K.Ashkali, i akuzuar se ka kryer marrëdhënie seksuale me të miturën K.Rome, e cila ishte shpallur si person i zhdukur. Me vendim të prokurorit viktima është dërguar për ekzaminim mjekësor ndërsa, i dyshuari pas intervistimit është arrestuar.
Mediat kosovare shkruajnë se vajza e mitur është përdhunuar dhe kjo gjë është vërtetuar pas analizave mjeko-ligjore të cilave ajo u është nënshtruar në momentin që është gjetur.
Por e mitura nuk është personi i vetëm që rezulton i zhdukur në Kosovë, pasi çdo ditë shtohen rastet. Deri më tani sipas Policisë së Kosovës, janë 190 persona të cilët janë shpallur të zhdukur nga familjarët e tyre.