Një 24 vjeçar është gjetur pa shenja jete sot në Prizren. Sipas mediave në Kosovë, i riu dyshohet se ka kryer vetëvrasje në shtëpinë e tij.
“Policia ka marrë informacion rreth orës 15:00, se në rrugën “Sefedin Laçi” në Prizren, gjendet një person pa shenja jete. Policia ka mbërritur menjëherë në vendin e ngjarjes duke kryer të gjitha veprimet konform ligjit.
Në një dhomë të shtëpisë, është gjetur një trup i pajetë dhe afër tij është gjetur një armë AK-47, e cila dyshohet se mund të jetë përdorur në këtë rast”, është shprehur Vesel Gashi, zëdhënës i Policisë Rajonale për Prizren.