Policia e Devollit bën të ditur se në fshatin Grapsh, në një përrua është gjetur pa shenja jete nga një banor i zonës një person ende i paidentifikuar.
Sipsa burimeve zyrtare, dyshohet se ai mund të jetë një emigrant i paligjshëm.
“Nga kqyrja paraprake e trupit të tij, nuk janë konstatuar shenja dhune dhe dyshohet se ky shtetas mund të ketë gjetur vdekjen për shkaqe aksidentale. Trupi i pajetë do të dërgohet drejt morgut, ku pritet përgjigjja e ekspertizës mjekoligjore për të përcaktuar shkakun e vdekjes. Grupi hetimor, po punon për të identifikuar viktimën si dhe për të zbardhur rrethanat e ngjarjes”, thotë policia.