Mëngjesin e sotëm, trupi i pajetë i Lirim Hajredinit është gjetur pranë qendrës tregtare Mavrovka.
Hajredini ka shërbyer për më shumë se 16 vjet si drejtor operativ i televizionit Alsat. Sipas informacioneve fillestare, dyshohet se ngjarja mund të ketë të bëjë me vetëvrasje.
Vendi i ngjarjes është siguruar nga policia, ndërsa trupi pritet të dërgohet për autopsi, e cila do të ndihmojë në përcaktimin e rrethanave të ngjarjes.
Lirim Hajredini ishte një menaxher me përvojë në sektorin e medias, me ekspertizë në marketing, strategji biznesi dhe prodhim televiziv.