Gjermania është një nga vendet që është shprehur hapur kundër ndryshimit të kufijve mes Kosovës dhe Serbisë, e megjithatë gjykon se taksa e vendosur duhet të hiqet.
Këtë herë është eurodeputeti gjerman në PE, David McAllister ai që i ka kërkuar qeverisë së Kosovës të anulojë këtë taksë.
Duke folur për median serbe “Tanjug”, ai tha se: Vendimi i Qeverisë së Kosovës për të aplikuar taksën 100 për qind për mallrat nga Serbia dhe Bosnja e Hercegovina është një shkelje e qartë e CEFTA-s dhe e marrëveshjes së Stabilizimit dhe Asocimit. Unë i bëj thirrje Qeverisë në Prishtinë që ta anulojnë këtë vendim në mënyrë që, shpresoj, që dialogu të vazhdojë.
Bashkimi Europian, tha ai e ka bërë të qartë se pa largimin e taksës nuk mund të arrihet një marrëveshje ligjërisht e detyrueshme mes Kosovës dhe Serbisë.