Ambasadorja e Gjermanisë në Shqipëri, Susanne Schütz ka komentuar situatën politike në vend, ndërsa është shprehur se zgjedhjet parlamentare duhet të zhvillohen në datën e caktuar nga presidenti, pra në 18 qershor. Duke iu përgjigjur interesit të gazetarëve, ambasadorja tha se edhe nëse PD nuk hyn në zgjedhje ato do jenë legjitime dhe do njihen.
“Sikurse u konstatua dhe u shpreh ministri i jashtëm federal z.Gabriel para rreth dy javësh, ne shpresojmë shumë që procesi zgjedhor të mund të zhvillohet në periudhën apo në momentin kohor të dekretuar nga Presidenti i Republikës. Shpresojmë që në këtë proces zgjedhor të mund të marrin pjesë sa më shumë parti politike që të jetë e mundur. Nëse Partia Demokratike dhe partitë e tjera opozitare vazhdojnë të mbeten në qëndrimin e tyre për të mos marrë pjesë në procesin zgjedhor ky është një vendim i trishtuar për ne, por ne do ti njohim këto zgjedhje”- tha ambasadorja gjermane. /TiranaNews/