Gjermania ka vendosur të pezullojë operacionet e shpëtimit në zonën e goditur nga tërmeti në Turqi.
Autoritetet gjermane kanë ardhur deri në këtë vendim për shkak të shqetësimeve për sigurinë.
“Gjatë orëve të fundit, situata e sigurisë në rajonin Hatay me sa duket ka ndryshuar. Ka raportime për përplasje mes grupeve të ndryshme. Prandaj, ekipet gjermane të kërkim-shpëtimit, ISAR dhe THW do të qëndrojnë në kampin e përbashkët të ekipeve ndërkombëtare. ISAR dhe THË do të rifillojnë punën e tyre sapo të krijohen kushtet dhe të na informojë AFAD (Agjencia turke për fatkeqësi dhe ndihmë)”, thuhet në deklaratë.
Numri i të vdekurve në Turqi dhe Siri ka shkuar në mbi 24 mijë persona.