Në këto ditë të vështira prej Koronavirusit që po kalon bota dhe Shqipëria, mjekët janë ata që duhet të marrin duartrokitjet dhe të gjitha falenderimet pasi janë në rresht të parë në këtë luftë ndaj virusit vdekjeprurës, COVID-19. Kështu, vlerësimi për ta duhet të jetë maksimal, ndërsa një gjest të madh ka kryer mëngjesin e sotëm, Klodiana Shala.
Në orët e para të mëngjesit, ish-atletja ka vizituar Qëndrën Shëndetësore në Kamëz e paraqitur me petulla dhe kek për përsonelin duke falenderuar për shërbimin e madh në këto ditë. “Unë e di që ju nuk po shihni fëmijët, familjet tuaja, por të gjithë shqiptarët kanë sytë dhe shpirtin tek ju.
Ju bluzat e bardha, jeni krenaria jonë jeni kampionët tanë! Siguria, shendeti i qytetarëve është medalja më e lartë, që ju merrni si shpërblim për misionin tuaj”, ishin fjalët e Shalës.
