Lulzim Basha një ditë më parë duke folur për ftesën e kryeministri Edi Rama për reformën zgjedhor tha se nuk mund të bëhet reformë kur në krye është Damian Gjiknuri.
Ky i fundit i është përgjigjur sot kreut të PD-së, duke paralajmëruar dorëheqjen e tij si kryetar i komisionit nëse demokratët e njohin këtë komision.
“Mua më duket edhe ironike por pse jo dhe qesharake gjithë ajo kauzë për Rama ik mund të përfundojë me Damiani ik në komision. E kam thënë nëse opozita e njeh këtë komision të reformës dhe vërtet shikon qenien time në drejtim të tij si pengesë megjithëse unë përkundër kritikave në partinë time isha ideatori që PD të jetë pjesë, nëse ky është kushti i tyre i vetëm unë mund ta shikoj pozicionin tim në bashkëbisedim edhe me kryetarin e partisë sime. Është hera e parë që kushtëzohet interlokutori. Është njësoj si të themi që ne nuk flasim me Bashën se është i akuzuar politikisht që ka vrarë 4 njerëz. Po e them dhe një herë nëse është kushti i vetëm dhe ata e njohin unë në bashkëbisedin me kryetarin e partisë sime unë e shoh pozicionin tim. Unë jam deputet si gjithë të tjerët”, ka thënë Gjiknuri.