Kanë mbërritur në prokurorinë e Gjirokastrës materialet hetimore në ngarkim të nënës së Kostandinos Kacifa, që u vra më 28 tetor të vitit të kaluar pasi hapi zjarr mbi policinë shqiptare.
Vasilia Kacifa akuzohet për nxitje të dhunës dhe urrejtjes. Akuzat ndaj saj u ngritën pas thirrjeve të saj për luftë mbi varrin e të birit, në 26 tetor 2018, në ceremoninë e 1-vjetorit të vdekjes së Kostandino Kacifa.
“Trimi im, jemi grekë, autoktonë, në këtë tokë jemi grek autoktonë, jemi ortodoksë, asnjëri nuk mund të prekë krishterimin tonë dhe kombin tonë. Jemi grekë. Tradhtarët. Përse i ndaluan njerëzit të vijnë në Kakavijë? Se janë tradhtarë. Çohuni trima, rrëmbeni armët, jemi grekë autoktonë”, ishin disa nga fjalët që Vasilia Kacifas tha mbi varrin e të birit.