Agjencia e Mbikëqyrjes Policore (AMP) ka reaguar për Nënkomisaren e Policisë së Elbasanit, Anisa Kostani, e cila shpërtheu në rrjetet sociale me komente ofenduese ndaj punës së gazetarëve. AMP-ja thotë për “Abcnews Albania”, se ka filluar procedurën e hetimit të thelluar administrativ për Anisa Kostanin.
Po ashtu Anisa Kostani ka qenë nën hetim edhe për daljet e saj publike në media, ku ka tërhequr vëmendjen e publikut në intervistat e saj me gjarprin e famshëm, që e mban në qafë.
Reagimi i polices erdhi pas vrasjes së mbrëmjes së 17 gushtit në Elbasan, ku mbeti i vdekur 33-vjeçari Madrit Ulqinaku. Sipas saj, ata që shkruajnë keq për Policinë e Elbasanit e kanë marrë provimin prej “profesorave Don Zhuanë”.