Gjykata e Shkallës së Parë Tiranë vendosi sot pranimin e padisë së kryeministrit Edi Ramës ndaj kreut të PD-së, Sali Berisha, lidhur me akuzat e këtij të fundit për një shtëpi në Amerikë për të cilën deklaroi se ishte në pronësi të kryeministrit.
Sipas medieve, gjyqtari Dritan Caka mori sot vendimin për të rrëzuar kundërpadinë e Berishës dhe për të pranuar atë të Ramës, duke i kërkuar Berishës shpërblim dëmi prej 1 milion lekësh të vjetra dhe detyrimin për të përgënjeshtruar postimin e vitit 2018 në faqen e tij në Facebook.
Pak pasi në 23 tetor të vitit 2018, Berisha nxorri në Facebook foton e një shtëpie në Amerikë për të cilën deklaroi se ishte në pronësi të Edi Ramës, ky i fundit ngriti një padi ndaj tij.
Në kundërpërgjigje ndaj padisë së Ramës, Berisha ngriti një kundërpadi brenda së njëjtës çështje.