E ftuar në emisionin “Drejt”, analistja Arsejda Gjyli u shpreh se kandidatët për deputetë që u paraqiten qytetarëve duhet të përmbushin jo vetëm kriteret ligjore, por edhe standarde të larta morale dhe etike.
“Ne flasim për emra që i propozohen publikut, të cilët prezupozohet që kanë kaluar të gjitha kriteret paraprake të cilat vlerësohen jo vetëm nga partitë politike, por mbi të gjitha duhet të jenë kritere që përputhen me parimet jo vetëm të ligjshmërisë, por mbi të gjitha parimet morale, etike, intelektuale, të arsimimit, të formimit, të asaj që ata përfaqësojnë në vetvete dhe kjo ndoshta nuk mbështetet në asnjë ligj, por janë disa parime të pashkruara, ashtu siç është edhe Kushtetuta në Britani, e cila është e pashkruar por në vetvete është e legjitimiuar dhe respektohet, ndiqet dhe vlerësohet nga të gjithë qytetarët si e tillë, pa qenë nevoja për të qenë e legjitimuar në të shkruar sepse në fund të ditës të gjithë ata qytetarë, që mbajnë emrin qytetarë të UK, e dinë që kjo Kushtetutë është autoriteti më i lartë ligjor brenda një vendi.
Është e lidhur me kulturën, jo vetëm si nocion, por edhe kulturën e zbatueshmërisë, dhe moralit të pashkruar. Këto kandidatë që i propozohen publikut dhe shkojnë të afishuara në derën e publikut, prezupozohet që kanë kaluar filtrat ligjor, moral dhe etikë.
Prezupozohet që qytetarit i shkon një kandidaturë e denjë dhe në një farë mënyre ata të ndihen të përfaqësuar.
Qytetari votëbeson atë çka i i propozon”, u shpreh Gjyli.