Dy gjyqtarë të Durrësit kanë hequr dorë nga gjykimi i çështjes Beleri.
Kërkesa e Belerit për leje për t’u betuar si kryebashkiak i Himarës i kaloi gjykatës së Durrësit që prej 22 shtatorit për moskompetencë nga Gjykata e Posaçme për Korrupsion dhe Krim të Organizuar.
Gjyqtarët Rexhep Bekteshi dhe Besjana Garxenaj hoqën dorë nga shqyrtimi, duke i kërkuar kryetarit të Gjykatës së Shkallës së Parë të Juridiksionit të Përgjithshëm Durrës zëvendësimin me një gjyqtar tjetër.
Në të dyja rastet, gjyqtarët kanë vlerësuar me ndërgjegje se kanë shkaqe të arsyeshme për të mos shqyrtuar këtë çështje që konsiderohet tejet delikate për sistemin tonë gjyqësor.