Teksa gjykata ka lënë në burg 7 minorenët që përfituan nga shoqja e tyre e shkollës, në Kavajë janë të ndarë për qëndrimin ndaj fenomenit, me të afërmit e viktimës që kërkojnë drejtësi dhe familjarët e djemve që e kanë shprehur edhe publikisht se ata nuk janë fajtor, por 13-vjeçarja që kishte zënë të dashur në atë moshë.
Në gjithë hamullinë e deklaratave dhe debatit mbi çështjen, “Dosja.al” ka zbardhur një detaj pikant nga ngjarja e Kavajës, duke raportuar se gjyshi i 13 vjeçares së përdhunuar, është punonjës në burgun ku ndodhen aktualisht 7 nga 8 djemtë e akuzuar.