Një gjyshe turke ka festuar ditëlindjen e saj të 119-të. The sun raporton se Seker Arslan thyen rekordin e njeriut më të vjetër në botë nëse kjo vërtetohet.
Seker ka gjashtë fëmijë dhe 12 nipër e mbesa dhe jetëgjatësia e saj mendohet të jetë e trashëguar, pasi nëna e saj ka jetuar deri në 110 vjeç. Ndërkohë vajza e saj, Serap Yueksel beson se jeta e gjatë e nënës së saj ka të bëjë me ngrënien e ushqimeve natyrore në mëngjes.
“Gjalpi, mjalti dhe djathi ishin gjithmonë në tryezë. Ajo e bën vetë kosin e saj dhe ende ha një vezë të zier në mëngjes,“- tha Serap Yueksel.
E vetmja keqardhje që i ka ngelur gjyshes turke është që nuk ka ende ndonjë stërnip.