Një mjet lundrues tip gomone, me drejtues shtetasin F.T, gjatë ankorimit në molin e vjetër të ish-ushtrisë në gjirin e “Shën Janit” në Karaburun, aksidentalisht me helikën e mjetit lundrues ka dëmtuar në këmbë shtetasin A.K, 56 vjeç, banues në Tiranë, i cili kishte zbritur nga një anije turistike në det afër këtij moli.
56-vjeçari është transportuar për ndihmë mjekësore në spital, dhe ka marrë dëmtime të shumta në këmbë dhe u transportua drejt Tiranës me helikopter.
Mjeti lundrues është bllokuar nga shërbimet e Policisë Kufitare, ndërsa drejtuesi i mjetit është shoqëruar në Polici për veprime të mëtejshme. Grupi hetimor i DVP Vlorë, nën drejtimin e Prokurorisë, po vijon veprimet për zbardhjen e plotë të rrethanave të rastit.