ITALI– Autoritetet italiane kanë shkatërruar një rrjet të trafikut të kokainës në Terni të Italisë, ku si rezultat kanë përfunduar në burg 10 persona dhe dy janë lënë në arrest shtëpie.
Të ndaluarit e operacionit policor janë shtetas shqiptar, rumun dhe italiane. Sipas mediave italiane, hetimet për rrjetin e trafikut të lëndëve narkotike kanë nisur midis vitit 2022 dhe 2023, ku fillimisht u identifikuan dhe u arrestuan disa tregtarë të vegjël të drogës.
Më pas njësia hetimore e Ternit kreu një hetim të detajuar që bëri të mundur gjurmimin e një organizate kriminale të përbërë nga shtetas shqiptarë, rumunë dhe italianë.
Grupi heterogjen kriminal rezultoi se përbëhej nga ata që, brenda qytetit, ishin ndër shitësit kryesorë të aftë për të importuar dhe shitur më pas sasi të mëdha kokaine në tregun vendas të shpërndarjes së drogës. Përgjimet telefonike dhe mjedisore parandaluan episode të shumta të ndalimit dhe shitjes së mëvonshme të drogës.
Janë vëzhguar transporte të shumta lëndësh narkotike, me sasi të mëdha kokaine që subjektet e hetuar kanë arritur të fusin në zonën e Ternit, edhe nga jashtë qarkut. Qarkullimi i provuar nga hetuesit rezultoi i konsiderueshëm, pra në rendin e disa kilogramëve kokainë në muaj.
Grupi përdorte shtëpinë e personit më të rëndësishëm (42-vjeçari me origjinë shqiptare E.O, banues në zonën e Borgo Rivo) si bazë për ruajtje, paketim dhe transferim tek bashkëpunëtorët, më pas filloi shitja me pakicë.