Karabinierët italianë kanë goditur një organizatë të trafikut të kanabisit që vinte nga Shqipëria dhe ishte e destinuar për tregun londinez, si dhe një tjetër organizatë të lidhur me të, që vepronte si “urë” nga Italia për në Britaninë e Madhe për emigrantët ilegalë shqiptarë.
Policia italiane ka lëshuar 18 masa arresti nga Gjykata e Romës, ku 11 janë në burg, 2 në arrest shtëpie dhe 5 për detyrim paraqitje. Ata akuzohen për krime të lidhura për përkrahje të emigracionit klandestin, trafik ndërkombëtar droge dhe mbajtës të armëve të paligjshme.
Mediat italiane bëjnë të ditur se organizata drejtohej nga shqiptarë nëpërmjet një rrjeti bashkëkombasit që jetonin prej shumë vitesh në Itali në provincën e Guidonia dhe Fonte Nuova.
Bëhet e ditur se është sekuestruar një sasi e madhe marijuane dhe një armë AK 47. Droga mbërrinte nga Shqipëria në Puglia, dhe më pas transportohej përmes autoveturave në Romë.
Nga hetimet u zbulua se kjo organizate lidhje me një tjetër, të cilët mbërrinin në Itali pa dokumente, qëndronin aty disa ditë dhe pajiseshin me dokumente false italiane për tu nisur drejt Britanisë së Madhe.
Në Angli, organizata kishte njerëz që i sistemonin klandestinët kundrejt një shumë parash. Në total gjatë këtij megaoperacioni u sekuestruan 150 kg marijuanë dhe dhjetëra doza kokaine dhe heroine.