Megi Doçi nuk është më vetëm golashënuesja më e mirë e kampionatit shqiptar për femra apo edhe kapitenia e përfaqësueses shqiptarë të futbollit të femrave. Sportistja e talentuar, prej fillimit të këtij viti është e punësuar me kohë të plotë nga FSHF.
Që nga fillimi i vitit, Doçi është regjistruar në organigramën e FSHF-së si një specialiste për futbollin e femrave. Nuk dihet me saktësi se çfarë përfaqëson kjo lloj detyre, por ajo tashmë është e punësuar me kohë të plotë nga FSHF, edhe pse është ende aktive në futbollin e luajtur.
Një rast paksa i çuditshëm duke llogaritur konfliktin e interesit në këtë mes, pasi përfaqëson një klub të caktuar në Shqipëri dhe vështirë se mund të gjendet një rast i ngjashëm në futbollin europian sa u përket futbollisteve aktive.