Pasojat me trafikun në rrugë Blendi Gonxhe, drejtor i Përgjithshëm i Shërbimeve dhe Transportit Rrugor për Shqipërinë, i sheh si shkak të zhvillimeve 30-vjeçare dhe projekteve pa studim. Në emisionin “Drejt” ai solli shembullin e autostradës Tiranë-Durrës.
Gonxhe: Ëndrra është të jetojmë në Tiranë. Tirana po bashkohet me Durrësin, ne nuk e menduam punën e rrugës Tiranë-Durrës, gjithçka u vendos në rrugë afër, nuk lamë hapësira. Është bërë një qytet. Unë mundohem të jem sa më pak në jetën time në atë rrugë. Pse? Është bërë një tmerr. Nuk është më një autostradë. Aty ecet me 30-40 km/h. Është një garë që të shkosh në Durrës. Pse? Është bërë një qytet i vetëm.