Policia e Tiranës ka dhënë detaje të tjera lidhur me grabitjen e ndodhur mëngjesin e sotëm në Rrugën e Barrikadave në Tiranë.
Dy persona kanë sulmuar me levë pronarin e një pike këmbimi valutor, dhe kanë arritur ti marrin një sasi parash. Policia arrestoi njërin prej autorëve, teksa paratë i ka autori tjetër që është shpallur në kërkim.
“Informacionet paraprake nga vendi i ngjarjes bëjnë të ditur se ngjarja ka ndodhur në një pikë “Exchange” në rrugën e Barrikadave, në afërsi të 9-katesheve në kryeyqytet. Mësohet se njëri prej tyre ka goditur me levë punonjësin e pikës së këmbimit valutor. Policia ka reaguar me shpejtësi duke arrestuar një prej autorëve, ndërsa tjetri është shpallur në kërkim”, thotë policia.
Lexo edhe: “Ju lutem hapni rrugën”, altoparlantët e policisë nuk përdoren vetëm në protesta