Një 41-vjeçar shqiptar është shpallur në kërkim, për një krim të kryer 10 vjet më parë.Burri shqiptar me banim në provincën e Como-s, akuzohet se ka rrëmbyer dhe përdhunuar një prostitutë rumune në vitin 2010 në zonën e Cremonese-s.
Ai ishte duke udhëtuar me makinë, kur pikasi një rumunen. Shqiptari e futi me forcë në makinën e tij prostitutën dhe më pas e dhunoi fizikisht, e grabiti dhe e përdhunoi.
Prostituta rumune ishte transportuar në spitalin e Cremoneses, pasi pësoi dëmtime në fytyrë, krah dhe trup, si pasojë e dhunës së ushtruar nga shqiptari.Ajo e denoncoi ngjarjen tek autoritetet, ndërsa karabinierët kishin arritur të merrnin materialin biologjik të agresorit shqiptar nga rrobat e saj.
Rezultati përfundimtar për gjetjen e identitetit të personit të cilit iu gjetën gjurmë të AND-së në bluzën e prostitutës rumune, u bë i mundur ditën e sotme, pas një hetimi që zgjati 10 vjet.
41-vjeçari shqiptar, identiteti i të cilit nuk është bërë me dije, është shpallur në kërkim nga autoritetet italiane.