Personat e arrestuar një ditë më parë më urdhër të SPAK jo vetëm që do japin llogari për akuzat e ngritura, por edhe do të shpjegojnë mbi pasuritë e tyre.
Këtë hetim pasuror SPAK e nisi menjëherë sapo nisën urdhër arrestet. Përveç procedimit penal ndaj personave të arrestuar si të dyshuar për kontrabandë të sendeve me vlerë, SPAK ka nisur edhe një hetim pasuror, mes tyre edhe ish-shoferi i kryepolicit Ardi Veliu, Sokol Idrizaj.
Rezulton se ky i fundit kishte bashkëpunim me pronar argjendarish, shumica prej tyre në Tiranë dhe me aktivitet shitjen e sendeve me vlerë, si bizhuteri dhe aksesor.
Burime pranë SPAK konfirmojnë se ka nisur identifikimi i burimit të të ardhurave dhe verifikimin nëse pasuritë rezultojnë të krijuara nga aktiviteti kriminal. Janë 12 persona nën akuzë, ku një pjesë po hetohen në francë.
Nga hetimet paraprake dyshohet se ata ishin të lidhura me grupe kriminale në Francë të cilët vidhnin kryesisht bizhu dhe sende të tjera luksi. Pasuria e grabitur grumbullohej në një hotel në Francë dhe aty blihej nga personat që tashmë janë nën akuzë prej SPAK.