Qeveria shqiptare ka nisur një përpjekje të re për riatdhesimin e grave dhe fëmijëve të mbetur në Siri.
Burime nga Ministria e Punëve të Brendshme i thanë gazetarit të Top Channel Muhamed Veliu se ministri punëve të brendshme Bledi Çuçi është duke zhvilluar një vizitë në Liban.
Qëllimi kësaj vizite lidhet me krijimin e kushteve për të marrë nga kampet Al Hol dhe Roj të të gjithë grave dhe fëmijëve shqiptarë.
Vajtja e ministrit Çuçi mësohet se është kërkuar nga kryeministri Edi Rama.
Burimet janë të rezervuara të tregojnë se kush e shoqëron në Liban ministrin Çuçi dhe cilët janë personat që po kontaktohet për të arritur qëllimin final të riatdhesimit.
Sandër Lleshaj paraardhësi Bledi Çuçi udhëtoi disa herë drejt Libanin nga ku me autoritetet vendase nisi bashkëpunimin duke mundësuar kthimin e një gruaje dhe katër fëmijëve të parë nga Siria në Tetor të vitit të shkuar.
Pas largimit nga Libani të ish ministrit Llleshaj, atje për më shumë se 5 javë qëndroi duke punuar në terren drejtori Drejtorisë së Anti Terrorit në Policinë e Shtetit Gledis Nano bashkë me kolegun e tij Indrit Doda.
Ata hynë në Siri dhe negociuan me autoritetet vendore kurde të cilët u dakordësuan të lejonin riatdhesimin e vetëm grave në nevojë për ndihmë të specializuar dhe fëmijëve jetim.
Në riatdhesimin e Floresh Rashës dhe fëmijëve të saj bashkë me Endri Dumanin, Mark Ghorayeb, konsulli i përgjithshëm i Shqipërisë në Liban pati një rol jashtëzakonisht vendimtar që ky operacion të përfundonte me sukses.
Vetë kryeministri Edi Rama shkoi në Liban për të marrë Floresha Rashën me tre fëmijët e saj dhe një djalin 13 Endri Dumani.
Besohet në kampet e Sirisë ndodhen mbi 50 gra dhe fëmijë në pritje të kthimit në atdhe.
Mes tyre edhe Eva Dumani motra e Endri Dumanit e cila e humbi mundësinë e kthimit bashkë me të