Një tjetër krim makabër ka ndodhur në Greqi, këtë herë në ishullin Chios, ku një 28-vjeçar ka vrarë për vdekje me thikë një 40-vjeçar në orët e para të mëngjesit të sotëm.
Mediat greke bëjnë me dije se autori ka sulmuar me thikë viktimën për arsye xhelozie pasi ky i fundit i ka ngacmuar të dashurën kamariere.
Ngjarja ka ndodhur në lokalin bar-kafe ku 28-vjeçari punonte me të dashurën e tij, ndërsa pak minuta pas ngjarjes i riu u arrestua nga policia duke pranuar krimin.
Autori, Tedis Micos
Viktima kishte shkuar për të konsumuar alkool në lokalin ku dyshja punonte dhe teksa ishte duke pirë, sipas dëshmitarëve që ndodheshin atje, ka nisur të ngacmojë të dashurën e autorit teksa ajo u ka shërbente pijeve klientëve të lokalit.
Viktima, Chrysovalantis Alexandris
Më pas ka nisur një përplasje verbale mes viktimës dhe autorit , për pasojë mes tyre ka ndodhur dhe sherri, ku 28-vjeçari Tedis Micos ka marrë thikën dhe ka plagosur për vdekje 40-vjeçarin.
Viktima Chrysovalantis Alexandris është baba i dy fëmijëve. Burri fatkeq u zgjodh këshilltar lokal në fshatin e tij në vitin 2010.