Një 44-vjeçar shqiptar në gjendje të dehur ka dhunuar dhe kërcënuar më thikë nënën e tij. Ngjarja ka ndodhur në Lamia të Greqisë, ku autori është arrestuar pasi e moshuara mori në telefon policinë.
Sipas mediave greke 44-vjeçari kishte ardhur në shtëpi në gjendje të dehur, më pas kishte goditur nënën e tij e më vonë kishte rrëmbyer thikën duke e kërcënuar që do ta vrasë.
Kur policia ka mbërritur në vendngjarje djali kishte kërcënuar edhe ata me thikë derisa e kanë kapur me forcë dhe e kanë arrestuar. Nuk dihen ende arsyet se pse ai ushtronte dhunë ndaj nënës.