Greqia po shqyrton vendimin për të mbyllur kufijtë tokësorë me vendet fqinje. Mediat e huaja kanë bërë të ditur se ky vendim mund të merret për shkak të rritjes së rasteve me koronavirus.
Mediat bëjnë me dije se në mbledhjen që është zhvilluar ditën e sotme, zëdhënësi i ministrit të Shëndetësisë, Tsiodras ngriti alarmin për Greqinë veriore, duke thënë se në disa vende situata është serioze.
“Përhapja e koronavirusit prek secilin prej nesh dhe ushtron presion në sistemin shëndetësor kombëtar. E gjithë Greqia Veriore është në ‘të kuqe”, tha Tsiodras.
Në 24 orët e fundit në Greqi është shënuar një numër rekord i rasteve. Sot janë konfirmuar 3209 të infektuar.
Që prej fillimit të pandemisë deri më tani në vendin fqinj janë prekur nga sëmundja vdekjeprurëse 82,034 persona dhe kanë humbur jetën 1,288 të tjerë.