Një 45 vjeçar shqiptar, u gjet i vdekur pasditen e së shtunës në fshatin Agios Athanasios të Selanikut.
Trupi i pajetë i 45-vjeçarit u gjet pranë një sheshi lojërash, ngjitur me aksin rrugor kryesor të fshatit. Fytyra e tij kishte plagë të shumta.
Kjo ishte arsyeja kryesore që i bëri autoritetet që në fillim të dyshonin se kishin të bënin me një vrasje.
Policia e Departamentit të Krimit të Jetës në Drejtorinë e Sigurisë së Selanikut ka mbledhur të dhëna që do të ndihmojnë në zbulimin e identitetit të sulmuesit të vrasjes.
Sipas informacionit ekskluziv të thestival.gr, dyshimet e para të policisë janë se vrasjen mund ta ketë kryer djali i viktimës. Një çast më vonë, pas zbulimit të trupit të 45-vjeçarit, oficerët e policisë shoqëruan të birin në Drejtorinë e Përgjithshme të Policisë së Selanikut për ta marre në pyetje.