Greqia është pranë nënshkrimit të marrëveshjes me Francën për blerjen e 18 avionëve luftarakë.
Mediat greke bëjnë me dije se kontrata është duke u diskutuar sot në Parlamentin grek.
Ministri grek i Mbrojtjes Nikos Panagiotopulos arriti të përfundojë negociatat me palën franceze brenda tre muajsh, për blerjen e 6 avionëve të rinj dhe 12 pak të përdorur të modelit “Rafael” që konsiderohet si një nga avionët luftarakë më të mirë në botë.
Mediat greke nuk kanë ngurruar ta paraqesin lajmin si një “sukses për “Pentagonin” e Greqisë” që do të ndryshojë, sipas tyre balancat në Mesdhe dhe Egje, duke i dhënë përparësi forcës ajrore greke.
“Raketat e këtyre avionëve do të shkaktojnë terror te regjimi turk”, shkruajnë mediat e vendit fqinj.