Ministri i Jashtëm i Greqisë, Nikos Dendias, erdhi për të gjashtën herë në Kosovë, një tregues pozitiv për marrëdhëniet dypalëshe.
Gjatë vizitës së tij, ai u takua me presidenten Vjosa Osmani, me të cilën bisedoi për zhvillimet e fundit rajonale, dialogun Prishtinë-Beograd dhe perspektivën europiane të Ballkanit Perëndimor.
“Në takim është diskutuar edhe për raportet Kosovë-Greqi, me ç ‘rast Presidentja Osmani ka shprehur gatishmërinë e thellimit të mëtejshëm të marrëdhënieve dyanëshe”, thuhet në njoftimin e presidencës së Kosovës.
Sa i përket dialogut me Serbinë, Osmani nënvizoi rëndësinë që plani i zbatimit të propozimit evropian të jetë në përputhje me kushtetutën e Kosovës.