Kryeministri Kyriakos Mitsotakis paralajmëroi rritje të gjobave, si dhe burgim të menjëhershëm për ata që shkaktojnë zjarret, qoftë edhe nga pakujdesia. Mitsotakis theksoi se shkaku i zjarrit të madh në Evros po hetohet, por është thuajse e sigurt se ai është i krijuar nga njeriu dhe ka shpërthyer në vendkalimet e emigrantëve të paligjshëm.
“Edhe pse u përgatitëm më mirë se çdo vit tjetër, u përballëm me zjarre të paprecedentë. Kjo verë ishte më e nxehta, me mbi 500 zjarre ne jave. Në Dadia u shkatërruan mbi 800 mijë hektare pyje. Në Evros po hetohet shkaku i zjarrit, është thuajse e sigurt se është i krijuar nga njeriu, është në rrugët që përdorin persona që hyjnë ilegalisht në vendin tonë. Gjobat do të rriten dhe zjarrvënësit e dënuar do të duhet të kryejnë dënimin në burg edhe në rastet e neglizhencës. Kriza klimatike është këtu, duke na kërcënuar gjithnjë e më shumë të gjithëve”.
Sipas Mitsotakis Greqia do të shtojë numrin e rojtarëve të pyjeve, dronëve dhe kamerave termike. Komisioni Evropian do të japë financime për kompensimin e fermerëve dhe blegtorëve si dhe për rikthimin e sipërfaqeve pyjore.